बारामती आणि राहुरी विधानसभा मतदारसंघाच्या पोटनिवडणुकीसाठी गुरुवारी २३ एप्रिल रोजी मतदान होणार आहे. या मतदारसंघातील मतदारांना मतदानाचा हक्क बजावता यावा, यासाठी बारामतीसह राहुरीत सार्वजनिक सुट्टी जाहीर करण्यात आली आहे. याबाबतीच अधिसूचना सामान्य प्रशासन विभागाने जाहीर केली आहे.

ही सार्वजनिक सुट्टी २०१- बारामती विधानसभा मतदारसंघ आणि २२३-राहुरी विधानसभा मतदारसंघाच्या क्षेत्रासाठी आहे. तसेच या मतदारसंघातील जे मतदार कामासाठी त्या मतदारसंघाच्या बाहेर असतील त्यांना देखील लागू राहील. तसेच ही अधिसूचना राज्य व केंद्र शासनाचे कार्यालये, निमशासकीय कार्यालये, सार्वजनिक उपक्रम इतर प्रतिष्ठान यांनाही लागू राहील, असेही अधिसूचनेत नमूद करण्यात आली आहे.