लोकसभा निवडणुकीच्या चौथ्या टप्प्यातील मतदारसंघांत १३ मे रोजी मतदान होत आहे. निवडणूक प्रचाराचा आजचा अखेरचा दिवस आहे. संध्याकाळी प्रचाराच्या तोफा थंडावतील. त्यापूर्वीच छत्रपती संभाजीनगरमध्ये हायव्होल्टेज ड्रामा बघायला मिळाला.

छत्रपती संभाजीनगरमध्ये उमेदवारांचा जोरदार प्रचार सुरू आहे. महाविकास आघाडीकडून चंद्रकांत खैरे आणि महायुतीकडून संदीपान भुमरे मैदानात उतरलेत. अखेरचा दिवस असल्यानं दोन्ही बाजूच्या उमेदवारांकडून जोरदार प्रचार सुरू आहे. महाविकास आघाडी आणि महायुतीच्या प्रचार फेऱ्या निघाल्या. त्याचवेळी दोन्ही बाजूकडील कार्यकर्ते-नेते आमनेसामने आले. दोन्हीकडून जोरदार घोषणाबाजी झाली. त्यामुळं परिसरात पोलीस बंदोबस्तात वाढ करण्यात आली.