CM Devendra Fadnavis | Diwali 2026 : मुख्यमंत्री देवेंद्र फडणवीस यांनी नागपुरातील लोहारी सावंगा गावात शेतकऱ्यांसोबत दिवाळी साजरी केली. यावेळी त्यांनी थेट शेतकऱ्यांच्या घरी जात त्यांच्याशी संवाद साधला आणि त्यांच्या समस्या जाणून घेतल्या. तसंच मुख्यमंत्र्यांनी शेतकऱ्यांच्या घरी जाऊन पारंपरिक जेवणाचा आस्वादही घेतला. या आगळ्यावेगळ्या कार्यक्रमानं गावात आनंदाचं वातावरण पाहायला मिळालं. सर्वसामान्य शेतकऱ्यांसोबत मुख्यमंत्र्यांनी दिवाळी साजरी केल्यानं गावकऱ्यांनी समाधान व्यक्त केले आहे...

दिवाळीनिमित्त लोहारी सावंगा, नागपूर येथे शेतकरी रामभाऊ बालपांडे यांच्या घरी मुक्कामी आहे. यावेळी घरातील चिमुकली नारायणीला कडेवर घेतले, तिच्यासोबत काही क्षण घालवले. तिच्या निरागस डोळ्यांनी, गोड बाललीलांनी मन अगदी प्रसन्न झाले. हे क्षण, आणि या कुटुंबाने दिलेले प्रेम मनात कायम जपून ठेवण्यासारखे आहे, असे ट्वीटही मुख्यमंत्र्यांनी केलं.