Manikrao Kokate ministerial exit Maharashtra : क्रीडामंत्री माणिकराव कोकोटेंची मंत्रिमंडळातून गंच्छती अटळ असल्याचं बोललं जातंय. त्यामुळे आता कोकाटेंच्या जागी कुणाला मंत्री करणार? याची चर्चा सुरू झाली आहे. राजकीय घडामोडींना वेग आला असतानाच अजित पवार यांनी आज मुख्यमंत्री देवेंद्र फडणवीस यांची भेट घेतली. यावेळी फडणवीसांनी अजित पवार यांना थेट सवाल केला.

कोकाटेंची खाती कुणाला द्यायची, ते सांगा? असा थेट सवाल मुख्यमंत्री देवेंद्र फडणवीसांना अजितदादांना विचारल्याची माहिती आहे. मुंबई हायकोर्टानं शिक्षेला स्थगिती दिली, तरच कोकाटेंचे मंत्रिपद वाचू शकते. मात्र कोर्टाकडून कोकाटेंना दिलासा मिळाला नाही तर त्यांचं मंत्रिपद जाणार आहे.अजित पवारांनी मुख्यमंत्री देवेंद्र फडणवीसांची वर्षावर भेट घेतली .यावेळी फडणवीसांनी त्यांना कोकाटेंच्या खात्यांबद्दल विचारल्याचं कळतंय.