आज राज्यपाल सी पी राधाकृष्णन यांच्या अभिभाषणानंतर मुख्यमंत्री देवेंद्र फडणवीस यांनी भाषण केले. यावेळी फडणवीस म्हणाले, छत्रपती शिवाजी महाराज आणि संभाजी महाराज हे आपले दैवत आहे.म्हणूनच गडकिल्ल्यांच्या आजूबाजूला असलेले अतिक्रमण काढायला सुरुवात केली आहे.तसेच महाराजांचे 12 किल्ले हे वर्ल्ड हेरिटेज होणार असल्याचे त्यांनी अधोरेखित केले. छत्रपती शिवाजी महाराज होते म्हणून आपण आहोत तसेच आम्ही कधीच महाराजांच्या वारसदारांचे दाखले मागितले नाही असे बोलून फडणवीसांनी संजय राऊत यांच्यावर अप्रत्यक्षपणे टोला लगावला. तसेच गेल्या काही दिवसांपासून माध्यमांमध्ये एक बातमी असायची की फडणवीसांनी शिंदेंच्या कामांना स्थगिती दिली.ही सध्या पेड बातमी झाली आहे. स्थगिती द्यायला मी उद्धव ठाकरे नाही असा टोला मुख्यमंत्री देवेंद्र फडणवीसानी यांनी लगावला.