Maharashtra Assembly Election : साताऱ्यात(Satara) मतदान करताना मतदाराचा मृत्यू झाल्याची दुर्दैवी आणि धक्कादायक घटना घडली आहे. ईव्हीएमवर बटन दाबाताना हार्ट अॅटक आल्यामुळे मृत्यू झाल्याचं समजतेय. साताऱ्यातील खंडाळा तालुक्यातील मोरवे गावात ही हृदयद्रावक घटना घडली आहे. मोरवे गावात हळहळ व्यक्त करण्यात येत आहे. दरम्यान, बीडमध्ये अपक्ष उमेदवाराचा सकाळी मतदान केंद्रावर हार्टअॅटकमुळे मृत्यू झाला.

मिळालेल्या माहितीनुसार, सातारा जिल्ह्यातील खंडाळ्यातील मोरवे गावात दुपारी मतदानाचा हक्क बजावतानाच मतदाराचा हार्टअॅटकमुळे मृत्यू झाला. शाम धायगुडे (६७ वर्षे) असे मतदाराचे नाव आहे. ६७ वर्षी धायगुडे मतदान करण्यासाठी ईव्हीएम मशीनजवळ गेल्यानंतर अचानक चक्कर आल्याने जागेवर कोसळले. त्यांना तात्काळ रुग्णालयात दाखल करण्यात आले. पण डॉक्टरांनी हृदयविकाराच्या झटक्याने निधन झाल्याचं सांगितलं. या दुर्दैवी घटनेमुळे मोरवे गावातील मतदान केंद्राच्या परिसरात काही काळ कार्यकर्त्यांची तारांबळ उडाली.