भाजप कार्यालया बाहेर जय्यत तयारी करण्यात आली आहे. आज राज्यात विधानसभा निवडणुकीचा निकाल जाहीर होणार आहे. यानंतर विजय झाला तर जल्लोष करण्यासाठी भाजपने जोरदार तयारी केल्याचं दिसत आहे. भाजपच्या कार्यालयांच्या बाहेर मोठे एलईडी लावण्यात आले असून त्यावर निकाल दाखवण्यात येणार आहेत. याठिकाणी मोठ्या प्रमाणात बॅनर देखील लावण्यात आले आहेत.

राज्यात विधानसभा निवडणुकीची प्रक्रिया पूर्ण झाली आहे. आज निकालाचा दिवस आहे. त्यानंतर राज्यात कोण सत्ता स्थापन करणार याकडे सध्या राज्याचं लक्ष लागलं आहे. दरम्यान, भाजपने मात्र विजयाची तयारी पहिलेच केलेली आहे. यासाठी भाजप कार्यालयांच्या बाहेर जय्यत तयारी केली आहे. भाजपच्या कार्यालयांच्या बाहेर मोठे एलईडी लाऊन निकाल दाखवण्यात येणार आहे. यथकणी मोठा पोलिस बंदोबस्त ठेवण्यात आला आहे. त्यामुळे यंदा पुन्हा जनतेचा कौल भाजपला मिळणार का हे पाहणं महत्वाचं ठरणार आहे.