मनोज जरांगे पाटील यांचा मेळावा होत आहे, त्यांना आमच्या शुभेच्छा आहेत. विचाराचं सोनं लुटावं, असं महादेवराव जानकर यांनी म्हंटल आहे. ते भक्तीगडावर पंकजा मुंडे यांच्या मेळाव्यासाठी उपस्थित आहेत. यावेळी त्यांनी माध्यमांशी संवाद साधला.

पंकजा मुंडे यांचा भाऊ म्हणून मी आज या मेळाव्याला आलो आहे. जोपर्यंत जिवंत आहे तोपर्यंत मी मेळाव्याला येत राहील. आज याठिकाणी धनंजय मुंडेच्या येण्याने पंकजाताईची ताकद वाढली आहे. असं महादेवराव जानकर यांनी म्हंटलं आहे. तर जरांगे पाटील यांच्या नारायण गडावर होणाऱ्या दसरा मेळाव्यावर बोलताना त्यांनी जरांगे पाटील देखील आपलेच आहेत, त्यांच्या मेळाव्यालाही मी शुभेच्छा देतो. असं म्हंटलं आहे. तर आगामी विधानसभेबाबत मला महायुतीकडून अद्याप विचारणा करण्यात आलेली नाही, मात्र मी 288 जागांवर उमेदवार उभे करणार आहे. राष्ट्रीय समाज पक्ष 288 जागावर उभं राहील असं देखील जानकर यांनी म्हंटल आहे.