महादेव बेटिंग अॅप प्रकरणात पुणे कनेक्शन समोर आलंय. पुणे ग्रामीण पोलिसांच्या स्थानिक गुन्हे शाखेनं नारायणगाव येथे छापे मारले. महादेव बेटिंग अॅपचं काम नारायणगावच्या एका इमारतीतून सुरू असल्याचं उघड झालं आहे. संपूर्ण इमारतीचा वापर हा महादेव बेटिंग अॅपसाठी होत असल्याची धक्कादायक माहिती मिळाली.

या छापेमारीत ७० ते ८० जणांना ताब्यात घेण्यात आल्याची प्राथमिक माहिती आहे. नारायणगाव पोलीस अधिक माहिती घेत आहेत. याआधी विदेशात आणि देशभरातील विविध राज्यांत या प्रकरणात छापेमारी करण्यात आली होती. आता महादेव ऑनलाइन बेटिंग ॲपची पाळेमुळं पुण्याच्या नारायणगावमध्ये असल्याचंही समोर आलंय.