पंतप्रधान नरेंद्र मोदी प्रयागराजच्या दौऱ्यावर असून ते कुंभमेळ्यामध्ये सहभागी झाले. यावेळी त्यांनी त्रिवेणी संगमावर गंगास्नान केले. जवळपास अर्धा तास मोदींनी गंगा आरती करत गंगा नदीला वंदन केले. यावेळी पीएम मोदींसोबत उत्तर प्रदेशचे मुख्यमंत्री योगी आदित्यनाथ आणि दोन्ही उपमुख्यमंत्री देखील उपस्थित आहेत.

पीएम मोदी आज प्रयागराजच्या दौऱ्यावर आहेत. या दौऱ्यासाठी ते सकाळी प्रयागराज एअरपोर्टवर दाखल झाले. प्रयागराजवरून ते अरैल घाटावर दाखल झाले. त्यानंतर त्यांनी बोटीने प्रवास करत ते त्रिवेणी संगमवर दाखल झाले. याठिकाणी त्यांनी गंगा नदीमध्ये स्नान करत अर्धा तास पूजा केली.

महाकुंभ सुरू झाल्यानंतर पीएम मोदींचा हा पहिलाच प्रयागराज दौरा आहे. पीएम मोदींच्या या दौऱ्याच्या पार्श्वभूमीवर प्रयागराजमध्ये कडक सुरक्षा व्यवस्था तैनात करण्यात आली आहे. एटीएस आणि एनएसजीसह इतर सुरक्षा पथकांनाही सतर्क करण्यात आले आहे. संगम परिसरात निमलष्करी दल देखील तैनात करण्यात आले आहे.