भरत नागणे, साम टीव्ही

लक्ष्मण हाके मराठा आणि धनगर समाजामध्ये जातीय तेढ निर्माण करून दंगल घडवण्याचा प्रयत्न करत आहे. लक्ष्मण हाकेला अंजनगावमधून बाहेर काढावे अन्यथा राज्यातील मराठा क्रांती मोर्चाचे कार्यकर्ते आणि शिवप्रेम लाखोंच्या संख्येने अंजनगाव मधील दाखल होतील असा इशारा मराठा क्रांती मोर्चाचे राज्य समन्वयक महेश डोंगरे पाटील यांनी दिला आहे. छत्रपती शिवाजी महाराज यांच्या पुतळ्यावरून माढा तालुक्यातील अंजनगाव खेलोबा येथे मराठा आणि धनगर समाजाचे आंदोलन सुरू आहे. धनगर समाजाच्या आंदोलनाला पाठिंबा देण्यासाठी लक्ष्मण हाके अंजनगाव मध्ये ठाण मांडून बसले आहेत. यावर आता मराठा क्रांती मोर्चाने हाके यांना गावातून बाहेर काढण्याची मागणी केली.