LPG price hike for vehicles in Sangli due to global tensions : आखाती देशातल्या युद्धाचा परिणाम थेट आता सांगलीच्या एलपीजी गॅस दरावर झालाय,इंधनाचा तुटवडा नसला तरी वाढलेल्या गॅस दरामुळे वाहनधारक आत्ताच हैराण झाले आहेत,गॅसचा तुटवडा निर्माण होण्याची भीती देखील वाहनधारकांच्या मध्ये निर्माण झाल्याने एलपीजी गॅस पंपांवर आता वाहनांच्या विशेषता रिक्षाचा मोठ्या प्रमाणात रांगा लागल्याचे चित्र पाहायला मिळतंय. ५५ रुपया किलो मिळणारा गॅस आता आखाती देशातल्या युद्धाच्या स्थितीमुळे 80 रुपये इतका झाला आहे. तब्बल 25 रुपयांनी गॅसच्या दरात वाढ झाल्याने रिक्षा चालकांसमोर मोठे संकट उभे राहिला आहे. त्याशिवाय गॅसचा तुटवडा होण्याची भीती देखील रिक्षाचालकांमध्ये निर्माण झाली आहे. त्यामुळे रिक्षाचालक आता गॅस पंपांवर अर्धा -अर्धा तास थांबून गॅस भरत आहेत.