चंद्रपूर : सुधीर मुनगंटीवार यांच्या प्रचाररथाची हकालपट्टी करण्यात आल्याचा एक व्हिडीओ व्हायरल झालाय. सोशल मीडियात प्रचंड व्हायरल झालेल्या या व्हिडीओनं चर्चांना उधाण आलंय. लोकसभेची (Lok Sabha Election 2024) उमेदवारी मिळाल्यानंतर सुधीर मुनगंटीवार (Sudhir Mungantiwar) यांचा सध्या चंद्रपुरातील गावागावात जोरदार प्रचार सुरु आहे. त्यासाठी फिरवण्यात येणाऱ्या प्रचाररथाला एका सामान्य माणसाने थेट जाब विचारलाय. अशोक चव्हाण, अजित पवार यांचं नाव घेत प्रचाररथ चालवणाऱ्या चालकाला प्रश्न विचारण्यात आले आणि नंतर प्रचाररथाला गावातून निघून जाण्याचा थेट इशाराही देण्यात आला. १५ लाख पहिले द्या ना तुम्ही, असं म्हणत गावातल्या व्यक्तीने मुनगंटीवारांचा प्रचाररथ हाकणाऱ्या व्यक्तीला काय सुनावलं, तेच या व्हिडीओतून (Viral Video) जाणून घेणार आहोत.