पश्चिम रेल्वेची वाहतूक पुन्हा एकदा विस्कळीत झाली आहे. पश्चिम रेल्वेवरील बोरिवली स्थानकात तांत्रिक बिघाड झाला आहे. यामुळे पश्चिम रेल्वेवरील लोकल ट्रेन उशिराने धावत आहेत. बोरिवली स्थानकातील तांत्रिक बिघाड हा दुपारी साडेचार वाजता झाला होता. यामुळे माटुंगा रोड ते वांद्रे स्थानकादरम्यान लोकल ट्रेन रखडल्या होत्या. ऐनगर्दीच्या वेळी पश्चिम रेल्वे मार्गावर बिघाड झाल्याने प्रवाशांचे मोठे हाल होत आहेत. यामुळे पश्चिम रेल्वेवरील बोरिवली-विरारच्या दिशेने जाणाऱ्या लोकल गाड्या उशीराने धावत असल्याने अंधेरी स्थानकात मोठ्या प्रमाणात गर्दी उसळली आहे.