पाण्याचा जोर, प्रवाह आणि पुराचा धोका लक्षात घेता, हे कृत्य अत्यंत धोकादायक होतं. मात्र, या तरुणाने कोणतीही भीती न बाळगता ट्रॅक्टर चालवत सरळ पूल पार केला. या संपूर्ण प्रकाराचा व्हिडिओ कोणीतरी शूट केला असून तो पाहून अनेकांची धडकी भरली आहे.

स्थानिक प्रशासनाने नागरिकांना अशा प्रकारच्या धोका पत्करणाऱ्या कृतींपासून दूर राहण्याचे आवाहन केले आहे. पावसाळ्याच्या काळात अशा स्टंटबाजीमुळे मोठा अपघात होण्याची शक्यता नाकारता येत नाही, असंही प्रशासनाने स्पष्ट केलं आहे. सध्या सोशल मीडियावर हा व्हिडिओ चर्चेचा विषय बनला असून, काहीजण तरुणाच्या धाडसाचे कौतुक करत आहेत, तर अनेकजण त्याच्या अशा बेधडक वागण्यावर टीका करत आहेत