बीड जिल्ह्यातील आष्टी तालुक्यातील म्हसोबाची वाडी परिसरात काल रात्री बिबट्या मुक्त संचार करत असतांना तसेच येणाऱ्या वाहनांवर झेप घेतांनाचा व्हिडिओ सध्या सोशल मीडिया व्हायरल होत आहे. तर गेवराई तालुक्यातील राक्षस भवन तळणेवाडी परिसरातही बिबट्याचे दर्शन झाले आहे. यामुळे शेतकऱ्यांमध्ये भीतीचे वातावरण निर्माण झाले असून शेतकऱ्यांसह शाळकरी मुलांमध्ये भीतीच वातावरण पाहायला मिळत आहे. तालुक्यातील नागरिक भयभीत झाले असून वनविभाने तात्काळ या परिसरात पिंजरा बसवून हा बिबट्या पकडण्यात यावा अशी मागणी नागरीकांकडून केली जात आहे. बावी येथे बिबट्याच्या हल्ल्यात शेतकरी राजू गोल्हार यांचा एक महिन्यापूर्वी मृत्यू झाला होता. पुन्हा अशी घटना होऊ नये यासाठी वन विभागाने तात्काळ पिंजरा लावून बिबट्या पकडावा अशी मागणी आता नागरिकांकडून केली जात आहे.