भंडारा जिल्ह्यात सामान्य रुग्णालयाला गळती लागल्याची बातमी समोर येत आहे. भंडारा जिल्हा सामान्य रुग्णालयाला ही गळती लागली असून भंडारा, गोंदिया आणि मध्ये प्रदेश येथिल सर्व सामान्य रुग्ण या रुग्णालयात उपचारासाठी येत असतात. २०१८ मध्येच इमारतीचे बांधकाम करण्यात आले होते. परंतु पावसामुळे या इमारतीला गळती लागली असून रुग्णांच्या नातेवाईकांना संपुर्ण रात्र जागून काढावी लागली आहे. रुग्णांच्या बेडवर तसेच वरांड्यात देखील पाणी साचलं होतं. रुग्णालयाच्या इमारतीच्या निकृष्ट बांधकामाचा फटका सर्वसामान्य नागरिकांना बसला आहे.