हिंगोली: हिंगोलीच्या (Hingoli) ब्रम्हपुरी गावात छतातून पाणी गळत असताना चिमुकल्या मुलांना शिक्षणाचे धडे गिरवावे लागत आहेत.झेड.पी.च्या शिक्षण विभागाचा भोंगळ कारभार उघडकीस आला आहे. छतातून पाणी गळत असल्याने विद्यार्थ्यांची मोठ्या प्रमाणात गैरसोय होत आहे.परंतु या संदर्भातील बातमी साम टीव्हीने दाखवल्यानंतर शिक्षण विभागाचे अधिकारी त्वरीत झेड.पी.च्या (Z.P.School) शाळेत दाखल झाले.शिक्षण विभागाचे अधिकारी संदीपकुमार सोनटक्के यांनी शाळेतील चिमुकल्यांसाठी तात्पुरत्या स्वरुपात अतिरिक्त खोल्या उपलब्ध करुन देण्याचे आश्वासन दिलं आहे.