अजित पवार यांना आम्ही महाजातीयवादीच म्हणणार. त्याचा आम्हाला पश्चाताप वैगरे काही वाटत नाही. अजित पवार हे धुतल्या तांदळा सारखे नाहीत. 25 हजार कोटींचा घोटाळा केल्याचा आरोप त्यांच्यावर आहे. ते कोणी साधू, संत नाहीत महाराष्ट्राला लागलेली कीड आहे, अशा शब्दांत ओबीसी नेते लक्ष्मण हाके यांनी पुन्हा एकदा उपमुख्यमंत्री अजित पवार यांच्यावर जोरदार टिका केली आहे.

अजित पवार यांनी ओबीसी मुलांसाठी वसतिगृह नाकारली त्यांची फिलोशीप नाकारली. आताच्या अधिवेशनात त्यांनी साखर कारखान्यांसाठी दोन हजार कोटींचा निधी मंजूर करून घेतला. महाराष्ट्राच्या तिजोरीवर दिवसा ढवळ्या दरोडा घालणारे तुम्ही दरोडेखोर आहात. त्यामुळे हरामखोर हा शब्द खूप सौम्य आहे.

तुम्हाला तर दरोडेखोर म्हटले पाहिजे. महाराष्ट्रातील वंचितांच्या सोशितांच्या आलुते बलुतेदारांच्या आणि भटक्या विमुक्त जाती जमातीच्या टाळूवरच लोणी खाणारे तुम्ही दरोडेखोर आहात. त्यामुळे मला या गोष्टीचा पश्चाताप वाटत नाही. हो मी अजित पवार यांना हरामखोर म्हटले आहे. त्यांनी काय मला कायदेशीर नोटीस पाठवली ना तर मी बघून घेईन असे हाके यांनी म्हटले आहे.