मराठा आरक्षणाच्या मागणीसाठी मनोज जरांगे पाटील आपल्या लाखो मराठा बांधवांसह मुंबईतील आझाद मैदनावर उपोषण करीत आहेत. आज त्यांच्या उपोषणाचा चौथा दिवस आहे. संपू्र्ण मुंबईत मराठा बांधवांची मोठी गर्दी उसळली आहे. आंदोलकांच्या प्रचंड गर्दीमुळे रस्त्यांवर अक्षरश: कोंडी झाली आहे.

दरम्यान, मराठा आंदोलनाविरूद्ध मुंबई हाय कोर्टात याचिका दाखल करण्यात आली होती. यावर आज सुनावणी पार पडली. युक्तीवादावेळी वकील गुणरत्न सदावर्ते यांनी कोर्टात सनसनाटी दावे केले आहेत. मराठा आंदोलकांना ठाकरे - पवारांची माणसे अन्नधान्य पुरवत असल्याचा नी आरोप त्यांनी कोर्टात केला आहे.