महाराष्ट्रातील उद्योजकीय कौशल्य जागतिक दर्जा आणि स्पर्धेत अग्रेसर राहावं, या उद्देश्याने स्थापन करण्यात आलेल्या ग्लोबल इम्पॅक्ट फोरमचं उद्घाटन 18 जानेवारीला स्वित्झर्लंडमधल्या झ्युरिच इथं झालं. एपी ग्लोबल आणि सकाळ माध्यम समूहाने या फोरमची स्थापना केली असून मुख्यमंत्री देवेंद्र फडणवीस, स्वित्झर्लंडचे खासदार आणि स्विस-भारत संसदीय मैत्री समूहाचे अध्यक्ष डॉ. एस. सी. निक गगर आणि मान्यवरांच्या उपस्थितीत हा दिमाखदार सोहळा पार पडला.

स्वित्झर्लंडमधल्या दावोस इथं 20 जानेवारीपासून जागतिक आर्थिक परिषदेला सुरूवात होणार आहे. भारतात आणि महाराष्ट्रात होणाऱ्या गुंतवणुकीचे विविध प्रस्ताव यानिमित्ताने सादर होणार असून परिषदेसाठी जगभरातील उद्योगपती, वित्तसंस्था आणि प्रभावशाली व्यक्ती दावोसमध्ये उपस्थित राहणार आहेत.