लातूर-तुळजापूर महामार्गावर तावशी ताड येथे भीषण अपघाताची घटना घडली आहे. भरधाव वेगाने आलेल्या चारचाकी कारने दुचाकीला जोरदार धडक दिली. या अपघातात दुचाकीवरील दोघांचा जागीच मृत्यू झाला असून, चार जण गंभीर जखमी झाले आहेत.

मिळालेल्या माहितीनुसार, मृत व्यक्ती शेतातून जनावरांसाठी चारा आणण्यासाठी गेले होते. त्याचदरम्यान लातूरच्या दिशेने भरधाव वेगाने जाणाऱ्या चारचाकी कारने त्यांच्या दुचाकीला धडक दिली. या धडकेत दोघांचा जागीच मृत्यू झाला, तर चार जण गंभीर जखमी झाले आहेत.

अपघातातील जखमींना उपचारासाठी लातूर येथील रुग्णालयात दाखल करण्यात आले असून, त्यांच्यावर सध्या उपचार सुरू आहेत. या अपघातामुळे परिसरात हळहळ व्यक्त केली जात आहे.