लातूर जिल्ह्यातील ढोकी परिसरात मध्यरात्री झालेल्या मुसळधार पावसामुळे जनजीवन विस्कळीत झाले आहे. गावातील अनेक घरांमध्ये पाणी शिरल्याने घरगुती साहित्याचे मोठ्या प्रमाणात नुकसान झाले आहे. नागरिकांचा संसार अक्षरश: पाण्यात तरंगताना दिसत आहे. काही घरांमध्ये पाण्याचे ढव साचल्याने परिस्थिती अधिक बिकट झाली आहे. नागरिकांना तात्पुरता ग्रामपंचायत आणि मंदिरात आश्रय देण्यात आला आहे. रात्री अचानक पडलेल्या पावसामुळे सर्वत्र परिसर पाण्याने भरुन गेला आहे. दरम्यान, हवामान खात्याने आजही जिल्ह्यात मुसळधार पावसाचा इशारा दिल्याने नागरिकांना सतर्क राहण्याचे आवाहन करण्यात आले आहे. पूरस्थिती लक्षात घेऊन प्रशासनाकडून आवश्यक ती खबरदारी घेतली जात आहे.