पुण्यातील विसर्जन मिरवणुकीत आता चांगलाच उत्साह दिसून येत आहे. सकाळपासूनच पुण्यातले मानाचे सगळे गणपती विसर्जनासाठी मार्गस्थ झालेले आहेत. शहरातल्या विविध चौकात बाप्पाच्या स्वागतासाठी पथक सज्ज झालेले आहेत. या मिरवणुकीत 2 महिला पारंपरिक मर्दानी खेळ समजला जाणारा लाठी-काठी या खेळाचं प्रात्यक्षिक सादर करताना दिसून आल्या. त्यांच्या या खेळाने मिरवणुकीत सगळ्यांचे लक्ष वेधून घेतले.

मुंबईच्या पाठोपाठ आता पुण्याच्या गणपती विसर्जन मिरवणुकीत देखील रंगत आलेली दिसत आहे. लाडक्या बाप्पाला निरोप देण्यासाठी भाविकांनी गर्दी केलेली आहे. या गर्दीत एका पथकाच्या 2 महिलांनी सादर केलेल्या शिवकालीन पारंपरिक खेळाच्या प्रात्यक्षिकाने सगळ्यांना आकर्षित केले. या महिलांनी लाठी-काठी हा खेळाचा प्रकार अत्यंत सुबक पद्धतीने दाखवल्याने सर्वांकडून त्यांचे कौतुक होत आहे.