अमरावतीत एक धक्कादायक प्रकार समोर आला आहे. येथे शालेय पोषण आहाराच्या मिलेट बारमध्ये अळ्या आढळून आल्या आहेत. अमरावतीच्या अतिदुर्गम समजल्या जाणाऱ्या मेळघाट मधील गडगाभांडुप येथील जिल्हा परिषदेच्या शाळेत दिल्या जाणाऱ्या मिलेट बारमध्ये अळ्या आढळून आहेत. आदिवासी विद्यार्थ्यांना पोषण आहाराचा भाग म्हणून मिलेट्स बार दिला जातो. मिलेट्स बारमध्ये अळ्या आढळून आल्यानं विद्यार्थ्यांच्या आरोग्याचा प्रश्न निर्माण झालाय. निकृष्ट दर्जाचा बार दिला जात असल्याचा आरोप पालकांनी केलाय. त्यामुळे शिक्षण विभागाचा भोंगळ कारभार चव्हाट्यावर आलाय.