काल मंत्रालयात लॅम्बोर्गिनी कार अवतरली होती. त्यामुळे सर्वांच्या भुवया उंचावल्या आहेत. ही कार स्काय लाईन कमर्शियल ट्रस्टची असल्याचं सांगितलं जात आहे. कार मधील व्यक्ती ही मंत्री राधाकृष्ण विखे पाटील यांना भेटण्यासाठी आल्याची माहिती समोर आली आहे. तसंच ही कार तपासणी न करता तशीच मंत्रालयात सोडण्यात आली होती.

दरम्यान, या कारवरून उद्धव ठाकरे यांच्या शिवसेनेचे खासदार संजय राऊत यांनी महायुतीवर जोरदार टीका केली आहे. आज सकाळी पत्रकारांशी संवाद साधताना त्यांनी यावर भाष्य केलं आहे. हे गूढ आहे. ते धूमकेतूप्रमाणे आलं आणि निघून गेलं. पत्रकारांनी याचा शोध घेतला पाहिजे. आम्ही देखील याचा शोध लावत आहोत. आमच्याकडे काही गोष्टी हातात आल्या आहे, असं संजय राऊत यांनी याबद्दल बोलताना म्हटलं आहे.