लाडक्या बहिणींना महिला दिनी खास भेट मिळणार आहे. फक्त फेब्रुवारी नाही, तर मार्च महिन्याचा हप्ता देखील लाभार्थी महिलांच्या बँक खात्यात जमा होणार आहे. ७ मार्चपर्यंत सर्व पात्र लाभार्थ्यांच्या बँक खात्यात दोन महिन्यांचा हप्ता म्हणजेच १५००- १५०० असे एकूण ३००० रूपये जमा करण्यात येणार आहेत, अशी माहिती महिला व बालविकास मंत्री आदिती तटकरे यांनी दिली.

लाडकी बहीण योजनेचा फेब्रुवारी महिन्याचा हप्ता महिलांच्या खात्यात जमा झाला नव्हता. आठव्या हप्त्याच्या प्रतिक्षेत लाडक्या बहिणी होत्या. मात्र, आता मार्च महिन्यात लाभार्थी बहिणींच्या खात्यात फेब्रुवारी आणि मार्च दोन्ही महिन्यांचे पैसे जमा होणार आहेत. त्यामुळे सरकारकडून या महिन्यात लाडक्या बहिणींना डबल गिफ्ट मिळणार आहे.