Ladki Bahin Yojana Update News : लाडकी बहीण योजना बंद करणार, महायुती सरकारने लाडक्या बहिणींची फसवणूक केली असे आरोप गेल्या काही दिवसांपासून विरोधकांकडून होत आहेत. मात्र, आता अर्थमंत्री आणि उपमुख्यमंत्री अजित पवार यांनी लाडकी बहीण योजनेबाबत मोठी अपडेट दिली आहे.

लाडकी बहीण योजनेमध्ये दुरुस्ती करण्यात येईल, पण ही योजना बंद करणार नाही, असे अजित पवार यांनी विधानसभेतच सांगितले. ज्यांची नावे कमी करण्यात आली आहेत, त्यांच्याकडून लाभापोटी घेतलेले पैसे परत घेण्यात येणार नाहीत, असेही त्यांनी स्पष्ट केले.

कधी कधी योजना येते, त्यात काही गोष्टी लक्षात आल्या तर दुरुस्ती करतो. आम्ही तशी दुरुस्ती करणार आहोत. ही योजना बंद करणार नाही. गरीब महिलांवर अन्याय करणार नाही. ज्याला गरज आहे, त्यांना १०० टक्के देणारच, त्यात तसुभरही आम्ही कमी पडणार नाहीत, असेही अजित पवार यांनी ठामपणे सांगितले.