लाडक्या बहिणींना डिसेंबरचा हप्ता कधी मिळणार असा प्रश्न असताना आता फडणवीस सरकार लाडक्या बहिणींना संक्रांतीचं मोठं गिफ्ट देणार आहे, अशी माहिती सूत्रांनी दिली आहे.

दिवाळी भाऊबीज म्हणून महायुती सरकारने नोव्हेंबरचा हप्ता आधीच दिला होता. आता संक्रांतीसाठी देखील फडणवीस सरकार डिसेंबर आणि जानेवारी असे दोन्ही हप्ते लाडक्या बहिणींना एकत्र देणार आहे, अशी माहिती एका वरिष्ठ अधिकाऱ्यांनी दिली आहे. त्यामुळे आता लाडक्या बहिणींच्या खात्यात एकत्रित 3 हजार रुपये जमा होणार आहे. तर पावणेतीन कोटी अर्जाच्या फेरतपासणीचा निर्णय लांबणीवर पडणार असल्याची सुद्धा माहिती सूत्रांनी दिली आहे. त्यामुळे आता लाभार्थी बहिणींना 3 हजार रुपये लवकरच मिळणार आहेत.