मुख्यमंत्री माझी लाडकी बहीण योजना पुन्हा एकदा वादाच्या भोवऱ्यात अडकली आहे. लाडकी बहीण योजनेमुळे आता अनेक सरकारी योजना बंद होणार असल्याचे सांगितले जात आहे. लाडकी बहीण योजनेमुळे तत्कालीन मुख्यमंत्री एकनाथ शिंदेंनी राबवलेल्या अनेक योजना बंद होण्याच्या वाटेवर आहे. वयोश्री योजना आणि मुख्यमंत्री तीर्थदर्शन योजना बंद होणार असल्याचे सांगितले जात आहे. यामुळे सर्वसामान्यांना मात्र फटका बसणार आहे.

याचसोबत मुख्यमंत्री अन्नपूर्णा योजनेचाही लाभ अनेक महिलांना मिळालेला नाही. या योजनेत महिलांना वर्षाला ३ मोफत सिलिंडर देणार असल्याची घोषणा करण्यात आली होती. मात्र, आता या योजनेत अनेक महिलांना गॅस सिलिंडर मिळाले नाही. त्यामुळे आता लाडकी बहीण योजनेचा फटका इतर योजनांना बसत असल्याचे दिसत आहे.