लाडक्या बहिणींसाठी राज्य सरकारची दमछाक होताना दिसतेय. या योजनेसाठी सामाजिक न्याय विभागाचा निधी पुन्हा एकदा वळवण्यात आल्याची माहिती आहे. लाडकी बहीण योजनेसाठी सामाजिक न्याय विभागातील अनुसूचित जाती घटकांसाठीचा 410 कोटींचा निधी वळवण्यात आलाय. त्यामुळे यावरून पुन्हा एकदा वादाची ठिणगी पडण्याची शक्यता वर्तवण्यात येतेय. आतापर्यंत सामाजिक न्याय आणि अदिवासी विभागांचा 1,827 कोटी 70 लाख कोटींचा निधी महिला आणि बाल विकास विभागाकडे वळवण्यात आलाय.सामाजिक न्याय विभागाकडून लाडकी बहीण योजनेसाठी ३९६० रुपये राखून ठेवण्यात आले आहेत. त्यातील काही निधी हा वळवण्यात आला आहे. यातूनच लाडक्या बहि‍णींना मे महिन्याचा हप्ता वितरित करण्यात आला आहे.