लाडकी बहीण योजना पुन्हा एकदा चर्चेत आली आहे. राज्य सरकारला लाडकी बहीण योजना नकोशी झाली का, असा प्रश्न उपस्थित झाला आहे. राज्य सरकारमधील अजित पवार गटाचे कॅबिनेट मंत्री दत्तात्रय भरणे यांनी लाडकी बहीण योजनेवरून खंत व्यक्त केली आहे. राज्य सरकारच्या तिजोरीवर लाडकी बहिणीचा ताण असल्याची कबुली मंत्री दत्तात्रय भरणे यांनी दिली.

एकीकडे लाडक्या बहिणीच्या योजनेवरून महायुतीचं सरकार प्रस्थापित झालं. तोच मुद्दा आता महायुती सरकारला डोईजड होत असताना दिसून येत आहे. निवडणुकीपूर्वी मतदानासाठी हव्या हव्या असणाऱ्या लाडक्या बहिणी राज्य सरकारला आता नकोशा झाल्या आहेत की काय असाच प्रश्न मंत्री दत्तात्रय भरणे यांच्या जाहीर वक्तव्यावरून केला जात आहे.