संदीप चव्हाण, साम प्रतिनिधी

लाडकी बहीण योजनेतून तुमचं नाव गायब होणार का...? हा प्रश्न तुम्हाला व्हायरल झालेला मेसेज पाहिल्यानंतर नक्कीच पडेल...कारण, गेल्या काही दिवसांपासून आता लाडकी बहीण योजनेतून काही महिलांचं नाव कमी होणार असा दावा करणारा मेसेज व्हायरल होतोय...व्हायरल होत असलेला मेसेज काय आहे ते आधी पाहुयात..

नवीन मुख्यमंत्र्यांच्या हाती राज्याचा कारभार येताच मुख्यमंत्री माझी लाडकी बहीण योजनेतील प्रत्येक निकषांची कडक पडताळणी होईल.निकष पडताळल्यानंतरच पात्र महिलांच्या खात्यात 2100 रुपये जमा होणार. हा मेसेज व्हायरल होत असून, यासोबत काही निकष देण्यात आलेयत. व्हायरल मेसेजमध्ये काय निकष सांगण्यात आलेयत ते पाहुयात

लाडक्या बहिणींना निकषांचा अडसर?

योजनेसाठी अर्ज केलेल्या महिलेचा पती टॅक्स भरतो का?

लाभार्थी लाडकीच्या कुटुंबाकडे चारचाकी कार आहे का?

एकाच कुटुंबातील दोनपेक्षा अधिक महिलांनी अर्ज केले आहेत का?

परित्यक्ता, विधवा, निराधार दोन-दोन योजनेचा लाभ घेतात का?

या सर्व निकषांची पडताळणी होणार असून, यामुळे अनेक महिलांचं नाव गायब होणार असल्याचा दावा केलाय...त्यामुळे आम्ही या दाव्याची पडताळणी सुरू केली...खरंच लाडक्या बहिणींची नावं गायब होणार हा निर्णय झालाय का...? याबाबत अधिकाऱ्यांशीही चर्चा केली...त्यावेळी काय सत्य समोर आलं पाहा.