पुण्यातील कोथरूड पोलिसांनी गजा मारणे टोळीतील फरार आरोपी रुपेश मारणेला अखेर बेड्या ठोकल्या आहेत. मुळशीतील एका दुर्गम भागातून त्याला अटक करण्यात आली आहे. अनेक गंभीर गुन्ह्यांमध्ये तो फरार होता आणि पोलिस त्याचा शोध घेत होते. या अटकेमुळे गजा मारणे टोळीच्या कारवायांना मोठा धक्का बसला असून, इतर सदस्यांच्या हालचालींवरही पोलिसांचे बारीक लक्ष आहे. सध्या रुपेश मारणेची चौकशी सुरू असून, त्याच्याकडून टोळीच्या पुढील हालचालींबाबत महत्त्वाची माहिती मिळण्याची शक्यता पोलिसांनी व्यक्त केली आहे.