कोल्हापूर जिल्हा परिषद निवडणुकीमध्ये शिंदेसेना सर्वात मोठा पक्ष ठरण्याची शक्यता आहे. या ठिकाणी शिंदेसेनेला सर्वाधिक १४ जागा मिळवण्यात यश मिळू शकते. या जिल्हापरिषदेत आधी महाविकास आघाडी सत्तेत होती. कोल्हापूर जिल्हा परिषदेमध्ये त्रिशंकू अवस्था होऊ शकते. या जिल्हा परिषदेमध्ये भाजपला १३, शिवसेना शिंदे गटाला १४, राष्ट्रवादी काँग्रेस अजित पवार गटाला १०, काँग्रेसला १४, राष्ट्रवादी काँग्रेस शरद पवार गटाला ३ आणि इतर १४ जागा मिळण्याची शक्यता आहे. कोल्हापूरमध्ये १४ जागा घेऊन शिंदेसेना सत्तेत जाऊ शकते.

महाविकास आघाडीमध्ये फक्त काँग्रेस मोठ्या ताकदीने या निवडणुकीत लढला आहे. राष्ट्रवादी काँग्रेस शरद पवार गट कमी जागांवर निवडणूक लढला आहे. ते दुसऱ्या राष्ट्रवादीसोबत गेले. एका बाजूला महायुती आणि दुसऱ्या बाजूला महाविकास आघाडीमधील काँग्रेस यांच्यात काँटे की टक्कर झाली. कोल्हापूर महानगर पालिकेत महायुतीचे सर्व पक्ष एकत्र येऊन सत्ता स्थापन करण्याची शक्यता आहे.