कोल्हापूर जिल्ह्यातील एक मोठी बातमी समोर आली आहे. कोल्हापूर जिल्ह्यातील एका गावात चार जण नदींत बुडून मृत्यूमुखी पडले. कोल्हापूरच्या आणुर गावात ही दुर्दैवी घटना घडली. आणुर गावच्या यात्रेसाठी पाहुण्यांच्या घरी काही जण आले होते. नदीवर धुणे धुण्यासाठी गेल्यानंतर चौघांचा बुडून मृत्यू झाल्याची माहिती समोर आली आहे. मृत्यांमध्ये जितेंद्र विलास लोकरे (वय 36, मुरगूड), रेश्मा दिलीप येळमल्ले (वय 34, अथणी, कर्नाटक), सविता अमर कांबळे (वय 27 रुकडी), यश दिलीप येळमल्ले (वय 17, अथणी, कर्नाटक) अशा चार जणांचा समावेश आहे. या घटनेमुळे संपूर्ण गावावर शोककळा पसरली आहे.