कोल्हापूरच्या लक्ष्मीपुरीत एक तरूण अचानक हॉटेलवर दगडफेक करायला लागला. हॉटेलची तोडफोडही केली. त्याच्या चेहऱ्यावर प्रचंड संताप दिसत होता. त्यानं केलेल्या कृत्यामागचं कारण धक्कादायक होतं. आईला अश्लील मेसेज पाठवल्याचा आरोप त्यानं केलाय. नेमकं काय झालं ते बघूयात व्हिडिओमधून....

कोल्हापूरच्या लक्ष्मीपुरीमध्ये ही घटना घडली. एका तरुणानं हॉटेलची तोडफोड केली. त्यानं त्या हॉटेलवर सुरुवातीला तुफान दगडफेक करण्यास सुरुवात केली. संबंधित हॉटेलच्या मालकानं आईला अश्लील मेसेज पाठवले, असा आरोप या तरुणाने केला. त्या तरुणाच्या मनात प्रचंड राग दिसत होता. त्यानं सुरुवातीला हॉटेलवर तुफान दगडफेक केली, असे सांगितले जात आहे. या घटनेची माहिती पोलिसांना मिळाली. त्यांनी तात्काळ घटनास्थळी धाव घेतली. या तरुणाला पोलिसांनी ताब्यात घेतले. पण काहीही ऐकण्याच्या मनस्थितीत नसलेल्या तरुणाचा पारा चढलेलाच होता. शेवटी पोलिसांनी त्याला 'प्रसाद' देण्यास सुरुवात केली. या घटनेमुळं परिसरात काही वेळ गोंधळ उडाला होता. नेमकं काय झालंय, हे बघायला तिथं गर्दी जमली होती. या गर्दीमुळं बराच वेळ तिथं वाहतूक कोंडी झाली होती.