कोल्हापुरातील जिल्हाधिकारी कार्यालयाला बॉम्बने उडवून देण्याची धमकी देण्यात आली आहे. जिल्हाधिकारी कार्यालयात ५ ठिकाणी आरडीएक्स ठेवल्याचा मेल कोल्हापूर जिल्हाधिकाऱ्यांना पाठवण्यात आलेला आहे. त्या पार्श्वभूमीवर कोल्हापूर पोलिस दल, अग्निशमन दल आणि बॉम्बस्फोट पथक हे सध्या कोल्हापूर जिल्हाधिकारी कार्यालयाची कसून तपासणी करत आहे. जिल्हाधिकारी यांना आलेल्या मेलमध्ये हे आरडीएक्स २ वाजण्याच्या सुमारास फुटणार असल्याचा उल्लेख देखील असल्याने या कार्यालयातून सर्व कर्मचारी अधिकारी यांना कार्यालयाच्या बाहेर जाण्याच्या सूचना करण्यात आलेल्या आहेत. सध्या पोलिस दल अग्निशमन दलाचे जवान संपूर्ण जिल्हाधिकारी कार्यालयाची कसून तपासणी करत आहेत.