Kolhapur Ambabai Temple New Update : अंबाबाई मंदिर परिसरात भाविकांच्या सोयीसाठी आजपासून कूल कोट पांढरे पट्टे मारण्यास सुरुवात झालीय. उन्हामुळे तापलेल्या रस्त्यावरून अनवाणी चालताना भाविकांच्या पायाला चटके बसतात. त्यामुळे मंदिर प्रशासनानं हा निर्णय घेतलाय.

कोल्हापूरमध्ये उन्हाचा तडाखा दिवसेंदिवस वाढत असताना करवीर निवासिनी श्री अंबाबाईच्या दर्शनासाठी येणाऱ्या भाविकांना मोठा दिलासा देणारा निर्णय मंदिर प्रशासनाने घेतला आहे. तापलेल्या रस्त्यावरून अनवाणी चालताना भाविकांच्या पायाला बसणारे चटके टाळण्यासाठी मंदिर परिसरात आणि दर्शन रांगेच्या मार्गावर विशेष पांढरे ‘कूल कोट’ पट्टे मारण्याच्या कामाला आजपासून सुरुवात करण्यात आली आहे.