नाशिकमध्ये प्रसिध्द अभिनेता किरण माने यांच्या फेसबुक पोस्ट वरुन वाद पेटला आहे. आखिल भारतीय विद्यार्थी परिषद आक्रमक होत सायबर पोलीस ठाण्यात तक्रार दाखल करण्यात आली आहे. किरण मानेंनी नेपाळसंदर्भात केलेल्या पोस्टमुळे भारतातील लोकशाही व्यवस्थेविरोधात लोकांना उठाव करण्यास प्रवृत्त केले जात असल्याचा आरोप ABVP ने केला आहे. या पार्श्वभूमीवर मानेंवर गुन्हा दाखल करून कठोर कारवाई करण्याची मागणी करण्यात आली आहे. हा मुद्दा नाशिकसह राज्यभरात चर्चेत आला आहे. किरण मानेंच्या पोस्टवरून निर्माण झालेला हा वाद सोशल मीडियावरही जोरदार चर्चेचा विषय ठरत आहे.