महाराष्ट्रात कालपासून मुसळधार पाऊस पडत आहे. मुंबईतदेखील पावसाने चांगलीच हजेरी लावली. आजही मुंबईत पाऊस पडत आहे. मुंबईसह उपनगरात अनेक ठिकाणी पाऊस पडला आहे. किंग्ज सर्रल परिसरात जोरदार पाऊस पडला आहे. त्यामुळे किंग्ज सर्कल पाण्याखाली गेलं आहे. किंग्ज सर्कल परिसरातील रस्त्यांना नद्याचे स्वरुप प्राप्त झाले आहे. त्यामुळे थोड्याफार प्रमाणात वाहतूक कोंडी झाल्याचे पाहायला मिळाले. किंग्ज सर्कल परिसरात पाणी साचल्याने मुंबईकरांचे मात्र हाल होताना दिसत आहे. सकाळी कामावर जाणाऱ्यांना लोकांना उशीर होत आहे. आजदेखील मुसळधार पावसाचा अंदाज वर्तवला आहे. त्यामुळे जर काही महत्त्वाचे काम असेल तरच घराबाहेर पडा, असा इशारा देण्यात आला आहे.