Suresh Dhas on Satish Bhosale Arrest मागील आठ दिवसांपासून खोक्या भोसले पोलिसांना गुंगारा देत होता. त्याला आज सकाळी उत्तर प्रदेशमधील प्रयागराज येथून बेड्या ठोकल्या आहेत. त्यानंतर सुरेश धस यांनी प्रतिक्रिया दिली आहे. खोक्या भोसले याला अटक केलं हे चांगलं झालं. त्याने चूक केली, त्यामुळे त्याला अटक झाली. कायद्याप्रमाणे त्याच्यावर कारवाई होईल, असे सुरेश धस म्हणाले.

खोक्या भोसले याचे प्रकरण दाबल्यासाठी पोलिसांवर दबाव असल्याचा आरोप होत आहे. त्यावर बोलताना धस म्हणाले की, मी असा कधीच पोलिसांना फोन केला नाही. त्याने जी चूक केली त्याच्यावर करवाई करा, असे म्हणालो आहे. सतीश भोसले याला आता अटक झाली आहे, त्याच्यावर जी काही कलमे लागलेली आहेत, त्याप्रमाणे कारवाई होईल, असे सुरेश धस म्हणाले.