Praniti Shinde News : बलात्कार करणाऱ्याचा सत्कार केला जात असेल तर ,आरोपींची मानसिकता अशीच होणार ,असंवेदनशीलता वाढत जाणार असे प्रणिती शिंदेंनी केंद्र सरकारवर टीका केली आहे. सोलापूरच्या काँग्रेस खासदार प्रणिती शिंदे (Khasdar Praniti Shinde) यांनी सोमवारी सकाळी सोलापुरात (Solapur news) पत्रकारांशी संवाद साधत सरकारवर निशाणा साधला.

मालवण येथील प्रकरणावरही प्रणिती शिंदे यांनी संताप व्यक्त केला. छत्रपती शिवाजी महाराजांचा एवढा मोठा अपमान हा महाराष्ट्र कधीही सहन करणार नाही. आज आपण गोकुळाष्टमी साजरी करतोय मात्र एकीकडे छत्रपती शिवाजी महाराज यांचा पुतळा उध्वस्त होतोय, असे त्या म्हणाल्या.

सरकारचं 3600 कोटीचे मोठे स्कॅम आहे. एकीकडे मुख्यमंत्री म्हणतात की हा पुतळा हवेने पडला. या पुतळ्याचे पंतप्रधान मोदींनी स्वतः उद्घाटन केलं. आणि त्याची अवस्था ही झाली आहे. वरून फक्त शो आणि आत मधून पोकळ असणाऱ्या हे सरकार आहे. लोकांची दिशाभूल करत आहेत. छत्रपती शिवाजी महाराजांचा एवढा मोठा अपमान हा महाराष्ट्र कधीही सहन करणार नाही, असे प्रणिती शिंदे म्हणाल्या.