2004 मध्ये सिंहासन तर 2022मध्ये मुंबईतील लखी परिवाराकडून गर्भगृहासाठी सोनं दान करण्यात आलं होतं. गर्भगृहातील चांदीचा मुलामा असलेल्या प्लेट काढण्यात आल्या आहेत. आणि त्यावर तांब्याच्या प्लेटवर सोन्याचा मुलामा देण्यात आला आहे. गर्भगृहाच्या 12 बाय 12 फुटांच्या दरवाजाला सोन्याचा मुलामा देण्यात आला होता. सोन्यापासून शिव आणि गणेशाची मूर्ती तयार करण्यात आली आली होती. मात्र मंदिराच्या गर्भगृहात सोनं नसून पितळ असल्याचा आरोप होत आहे. बाबा केदारनाथ मंदिरातून 228 किलो सोनं चोरी झाल्याच्या प्रकरणाची सरकरकड़ून का चौकशी केली जात नाही? असा सवाल अविमुक्तेश्वरनंदांनी केलाय. त्यामुळे या प्रकरणी संशयाचं धुकं आणखीच गडद झालंय.