कल्याण-डोंबिवली महापालिकेने (KDMC) महा⁠रेरा घोटाळ्याच्या पार्श्वभूमीवर मोठी कारवाई करत 65 अनधिकृत इमारतींमधील 55 इमारतींना नोटीस बजावल्या आहेत. या इमारतींना महापालिकेने तातडीने रिकाम्या करण्याचे आदेश दिले असून, नागरिकांनी आदेशाचे पालन न केल्यास पोलिस बळाचा वापर केला जाईल, असा इशाराही पालिकेकडून देण्यात आला आहे.

या घोटाळ्यातील अनेक इमारती महारेराच्या परवानगीशिवाय बांधण्यात आल्याचे निष्पन्न झाले असून, त्यात राहणाऱ्या नागरिकांवर आता बेघर होण्याची वेळ आली आहे. महापालिकेच्या नोटीसनंतर रहिवाशांमध्ये प्रचंड घबराट पसरली आहे.

या कारवाईमुळे हजारो कुटुंबे उघड्यावर येण्याची शक्यता आहे. रहिवाशांनी सरकारकडे आणि महापालिकेकडे पर्यायी व्यवस्था उपलब्ध करून देण्याची मागणी केली आहे.