जुन्या कसारा घाटात महाकाय कंटेनरचा अपघात झाल्याने वाहतूक पूर्णतः ठप्प झाली आहे. एका बंद कंटेनरला मागून आलेल्या दुसऱ्या कंटेनरने जोरदार धडक दिली. या धडकेत कंटेनर रस्त्यावरच आडवा झाल्याने घाटातील दोन्ही बाजूंनी वाहतूक खोळंबली आहे.अपघातानंतर घाटात वाहनांची मोठी कोंडी निर्माण झाली असून, प्रवाशांचे हाल सुरू आहेत. या पार्श्वभूमीवर वाहतुकीसाठी पर्यायी मार्ग म्हणून नवीन कसारा घाटातून वाहतूक वळविण्यात आली आहे.

पावसाळ्यात कसारा घाटामध्ये अशा प्रकारची परिस्थिती आहे ती नेहमीच उद्बवत असते. अपघातग्रस्त कंटेनर हटवण्यासाठी पोलीस आणि प्रशासनाच्या मदतीने क्रेन लावून रस्ते मोकळे करण्याचे काम सुरू आहे. दरम्यान, वाहतूक सुरळित होण्यासाठी काही वेळ लागणार असल्याची शक्यता व्यक्त करण्यात येत आहे.