वांद्रेच्या कौटुंबिक न्यायालयाने करुणा शर्मा यांच्या तक्रारीत धनंजय मुंडे यांना देखभालीसाठी महिन्याला दोन लाख रूपये देण्याचा आदेश दिले आहेत. न्यायालयाच्या या निर्णयानंतर करुणा शर्मा यांनी माध्यमांशी संवाद साधताना, मुंडे यांच्याकडून झालेल्या त्रासाचा पाढाच वाचला. यावेळी बोलताना करुणा शर्मा भावून होत रडल्या.

करुणा शर्मा म्हणाल्या की, "माझ्याकडे आणि माझ्या परिवाराकडे काहीच पैसे नाही. परंतु त्यांच्या (मंत्री मुंडे) नोकरांकडे चार-चार हजार कोटी रुपयांची मालमत्ता निघत आहे. माझ्या घरावरील कर्जाचे हप्ते गेल्या सात महिन्यांपासून थकले आहेत. माझ्या बहिणीसोबत शारीरिक हिंसाचार झाला. माझ्यावर खोटे आरोप करून जेलमध्ये टाकले गेले. 45 दिवस येवरडा तुरुंगात राहिली आहे. कोणी आले नाही मला भेटायला. फक्त आभाळ बघायचे. कोण मला तुरुंगात काढणार? अॅट्रोसिटीसारख्या केसमध्ये मला तुरुंगात ठेवले गेले. बीडसारख्या जेलमध्ये मला 16 दिवस ठेवले". येरवडा आणि बीडमधील तुरुंगातील दिवस, बीडच्या जिल्हाधिकारी कार्यालयातील केबिनमध्ये वाल्मिक कराडकडून झालेली मारहाण, या सर्व प्रकाराबाबत करुणा शर्मा यांना बोलताना अश्रु अनावर झालेले बघायला मिळाले.