धनंजय मुंडे आणि करुणा मुंडे यांच्या पोटगी देण्याच्या प्रकरणावर आज मुंबई सत्र न्यायालयात सुनावणी पार पडली.सुनावणी झाल्यानंतर करुणा मुंडे यांनी माध्यमांशी संवाद साधत धनंजय मुंडे यांच्यावर गंभीर आरोप केले. मला हिरोईनची ऑफर होती.पण मी नवऱ्यासोबतच राहिली.माझ्याशी जो लग्न करेल त्याला धनंजय मुंडे 20 कोटी देणार होते असा खळबळजनक आरोप करुणा मुंडेनी केला आहे. धनंजय मुंडेनी 27 वर्षे एकत्र राहून मला रस्त्यावर आणल्याचे सांगत करुणा मुंडे ह्या धायमोकलुन रडल्या. करुणा मुंडे पुढे म्हणाल्या, आज मी कोर्टात सर्व पुरावे सादर केले आहेत. यामध्ये एक रेकॉर्डिंग सादर केलेले नाही पण ते करणार आहे असे करुणा मुंडे म्हणाल्या. रेकॉर्डिंगमधून काय गौप्यस्फोट होतात हे बघणे आता महत्वाचे ठरणार आहे.