कर्नाटक सरकारने सन्मानाने मरण्याचा अधिकार आता लागू केला आहे. सुप्रीम कोर्टाच्या निर्णयाची कर्नाटक सरकारने अंमलबजावणी केली आहे. ज्यांना बर होण्याची आशा नाही किंवा ज्यांच्यावर जीवनरक्षक उपचार सुरू आहेत अशा रुग्णांना हा अधिकार देण्यात आला आहे. हा कायदा लागू करणारं कर्नाटक हे देशातलं पहिलं राज्य आहे. कर्नाटक सरकारने खासगी आणि सरकारी रुग्णालयांसाठी हा आदेश जारी केला आहे. ज्या रुग्णालयात अशा रुग्णांवर उपचार सुरू आहेत त्यांना हा आदेश लागू असेल. महाराष्ट्र, गोवा आणि केरळमध्ये देखील या आदेशाची अंमलबजावणी करण्यासाठी नियोजन सुरू असल्याचं तज्ज्ञांनी सांगितलं आहे.

सन्मानाने मरण्याचा अधिकार हा आयुष्य अखेरीस सन्मानाने उपचार सुरू ठेवायचा की नाही, याचा अधिकार आहे. गंभीर, असाध्य आजाराने त्रस्त आणि जीवरक्षक उपचार नको असल्यास हा अधिकार लागू करता येईल. न्यूरो सर्जन, सर्जन आणि भूलतज्ज्ञ समितीची नेमणूक या संदर्भात करण्यात आलेली आहे. तज्ज्ञ समितीच्या निर्णयानंतरच रुग्णाला सन्मानाने मरण्याचा अधिकार मिळणार आहे. महाराष्ट्र, गोवा आणि केरळमध्येही असा कायदा करण्याचं नियोजन सुरू आहे.