कर्नाटकमध्ये होणाऱ्या आगामी सामाजिक-आर्थिक सर्वेक्षणावरून मोठा वाद पेटलाय. राज्यातील प्रभावी लिंगायत समाजाच्या सर्वोच्च संघटनेनं आपल्या सदस्यांना सर्वेक्षणात स्वतःची नोंद ‘हिंदू’ म्हणून नव्हे तर ‘वीरशैव-लिंगायत’ म्हणून करण्याचं आवाहन केलंय. या पत्रकामुळे राज्याच्या राजकारणात प्रचंड खळबळ उडाली आहे. येत्या २२ सप्टेंबरपासून कर्नाटकमध्ये जातीय जनगणना सुरू होणार असून त्याआधीच वीरशैव-लिंगायत महासभेनं समाजातील सदस्यांना स्पष्ट सूचना दिल्यात.

लिंगायत समाज हा राज्यात प्रभावी मानला जातो आणि राजकीय समीकरणांमध्ये त्यांचा मोठा प्रभाव आहे. त्यामुळे या निर्णयामुळे भाजपच्या हिंदू मतदारसंघावर परिणाम होऊ शकतो, अशी शक्यता वर्तवली जात आहे. विरोधकांनीही या मुद्यावरून सरकारवर टीका सुरू केली असून येत्या काही दिवसांत कर्नाटकातील राजकारण आणखी तापण्याची चिन्हं दिसत आहेत.